Ijtimoiy tarmoqlarda xizmat ko‘rsatish shoxobchasida bir nechta fuqarolar o‘zaro janjallashayotgani aks etgan video tarqalib, turli muhokamalarga sabab bo‘lmoqda. IIBB axborot xizmati holat yuzasidan ma’lumot berdi.
Unda keltirilishicha, 17-yanvar kuni taxminan soat 18:50 larda, 1989-yilda tug‘ilgan Y.Aziz Shayxontohur tumanidagi Paynet shoxobchasiga kirib, 2005-yilda tug‘ilgan T.Kamrondan plastik kartasiga 7 million so‘m tushirishni so‘ragan. Biroq bergan naqd ko‘rinishdagi pulida bu miqdor kam chiqqan.
Shuningdek, Ya.Aziz 2023-yilning 25-dekabr kuni aynan shu shoxobchada plastik kartasiga 10 million so‘m tushirtirgan, biroq bergan naqd pulida 3 million so‘m kam chiqqan, lekin Aziz qolgan pulni to‘lamasdan chiqib ketgan. Kamron Azizdan shu 3 million so‘m pulni qaytarib berishini talab qilganida ular o‘rtasida og‘zaki nizo chiqqan.
Ushbu nizoga Azizning tanishlari — 2004-yilda tug‘ilgan M.Sug‘diyona va 2005-yilda tug‘ilgan N.Maftuna aralashib, o‘zaro janjallashgan. Buning natijasida hech kim jarohat olmagan.
Mazkur holat yuzasidan Shayxontohur tumani IIO FMB tomonidan tergovga qadar tekshiruv o‘tkazilmoqda, tekshiruv yakuni bo‘yicha qonuniy qaror qabul qilinishi ta’minlanadi.
Izoh (0)