“Mehridaryo” loyihasiga Toshkent shahrida yashovchi Rahima To‘ychiyeva murojaat qilib, og‘ir ahvoldagi farzandini davolatish uchun xalqdan yordam so‘radi.
— O‘g‘lim Shahboz To‘ychiyev oilasi, uch va bir yarim yashar farzandi bor. O‘tgan yili boshi ko‘p og‘riydigan bo‘lib qoldi. Tekshirtirib ancha vaqt davolatdik. Ammo samara bo‘lmay, kasalligi zo‘rayib boraverdi. Bir yil davomida uch marta murakkab operatsiyani boshdan kechirdi. Shu yilning fevral oyida unga abssess deb operatsiya qilishdi. Keyin yana mart oyida operatsiya qilishdi. Boshining bir tomoni shishib, miyaga suyuqlik yig‘iladi. Dekabr oyida ham og‘ir ahvolda kasalxonaga olib keldik. O‘g‘lim umuman harakatlanolmay qolgan, boshi tinimsiz og‘riydi, ko‘rish qobiliyati ham nihoyatda past. Hozir ham olti kundan beri bolam jonlantirish bo‘limida davolanyapti.
O‘g‘limni davolatish uchun uyimizni sotdik, qarz ham ko‘tardik. Ammo bu kasallikni davolash juda qimmat ekan.
Hozir tomog‘iga kateter qo‘yilgan, o‘zi mustaqil nafas ololmayapti. Hozir jonlantirish bo‘limida yotganiga kuniga bir yarim milliondan mablag‘ to‘layapmiz, qo‘shimchasiga o‘zim turgan xonaga ham pul to‘laymiz. Dori-darmonlari nihoyatda qimmat. O‘g‘lim endigina 33 yoshga to‘lgan, bolalari hali juda kichkina. Uning yashashini Allohdan so‘rayapman, sababini qilib davolatyapmiz. Yaxshi insonlar sizdan iltimos, agar imkoningiz bo‘lsa oilamizga yordam bering. Shu kungacha birorta xayriyalarda ishtirok etmagandim, ammo endi imkonsizman. Sotadigan hech narsamiz qolmadi, — deydi Rahima To‘ychiyeva.
Shahboz To‘ychiyevga xayriya qilishni istasangiz,
8600 1204 6250 3585 (To‘ychiyev Shahboz)
4790 9122 1037 5087 (To‘ychiyeva Rahimaxon)
Murojaat uchun:
+998-94-373-32-21,
+998-90-926 05 08
Izoh (0)