“Mehridaryo” loyihasiga farg‘onalik bemor Sherzod Sultonov murojaat qilib, xalqdan yordam so‘radi. Uning ota-onasi ruhiy bemor, keksa insonlar. Ularga dori-darmondan tashqari, ro‘zg‘orlik ham kerak.
— Onamning aytishi bo‘yicha bolaligimda raxit va gepatit A kasalligi bilan qattiq og‘rigan ekanman. Shu bois ko‘p kasalxonaga yotib davolanishimga to‘g‘ri kelgan. 2020-yili yana salomatligimda jiddiy muammolar kuzatila boshladi. Hozirgi kunda qon bosimi, oshqozon yarasi, burun o‘simtasi kabi yondash kasalliklarim ham bor. Ammo so‘nggi vaqtlarda burundagi o‘simta sabab nafas olishga qiynalyapman. Farg‘onalik shifokorlar buni Toshkentda operatsiya qildirish kerakligini aytishdi. Surishtirsam operatsiyaga 20-25 million mablag‘ kerak ekan.
Moddiy ahvolimiz unchalik yaxshi emas. Oilaning yolg‘iz boquvchisiman, ammo salomatligimning yomonlashgani sabab, hech qayerda ishlolmayapman. Dadam 20 yildan buyon ruhiy xasta.
2014-yili akam Abduvahhob Sultonov Rossiyaga ishlagani borib, quruq tuhmat bilan 13 yilga qamalib qolgan. Uning aybsizligini isbotlash uchun ko‘p harakat qildik. Ammo foyda bermadi. Onam unga siqilib, xastalikka chalindi. Hozirda u ham ruhiy kasal. Ota-onam keksa, ruhiy xastalikdan tashqari, ularning yondosh kasalliklari ham bor.
Zudlik bilan operatsiya bo‘lishim kerak, ammo qo‘limda umuman mablag‘ yo‘q. Oilamiz bilan faqat otamning nafaqa puliga kun ko‘ramiz. Shu bois, xalqdan yordam so‘rashga majbur bo‘ldim. Yaxshi insonlar, oilamizga yordam beringlar, — deydi oltiariqlik Sherzod Sultonov.
Sherzod Sultonovga xayriya qilishni istasangiz,
9860 0803 8700 6689 (Sherzod Sultonov)
Murojaat uchun: +99894) 741-07-87
Izoh (0)