“Mehridaryo” loyihasiga Toshkent viloyati O‘rta Chirchiq tumanida yashovchi Kumush Husanboyeva murojaat qilib, oqqon kasalligini davolash uchun xalqdan yordam so‘radi.
— 2013-yil turmushga chiqib, o‘g‘il farzandli bo‘lganman. Afsuski, 2020-yili tanamda sababsiz ko‘karish izlari paydo bo‘lib, holsizlana boshladim. Shifokorlar tekshiruvdan o‘tkazib, menda leykoz kasalli borligini aniqlashdi. Kasalligimni eshitib, turmush o‘rtog‘im bizni tashlab ketdi. Kasallikning zo‘rayishi sabab, ko‘zlarim ham ko‘rmay qolgandi. Xayriyatki, shifokorlarning yordami bilan ko‘zlarim biroz bo‘lsa-da ko‘ra boshladi, ammo to‘g‘ri qarolmayman va uzoqni ham yaxshi ko‘rmayman.
Onam qon bosimining oshishi sabab yoshligimizda vafot etgan. Singlim bilan onasiz katta bo‘ldik. Hozir ham oilada faqat otamning o‘zi ishlaydi. U ham ancha keksayib qolgan, ammo haligacha men va farzandimni boqishga majbur. Farzandimga otasi aliment to‘lamaydi, ijrochilar ham undirib berisha olmadi.
Ilgari men ham tekstil fabrikasida ishlardim. Sog‘lig‘im to‘g‘ri kelmagani uchun hozirgi kunda hech qayerda ishlayotganim yo‘q. Ayni kunda kasalxonaga yotib davolanishim kerak. Ammo qo‘limda mablag‘ yo‘qligi uchun xalqdan yordam so‘rashga majburman. Dorilarimiz qimmat, davlat tomonidan ham yordam beriladi, ammo o‘zimiz olishimiz kerak bo‘lganlari ham ko‘p.
Yaxshi insonlar sog‘ligimni tiklashga yordam beringlar. O‘g‘limning kamolini ko‘rish nasib qilsin. U ham mendek yetimlikda ulg‘aymasin, — deydi bemor Kumush Husanboyeva.
Kumush Husanboyeva xayriya qilishni istasangiz,
9860 0824 1874 5756 (Kumush Xusanboyeva — Amonova)
Murojaat uchun: +998 930 416 19 17
Izoh (0)