“Mehridaryo” loyihasiga Sirdaryo viloyatida yashovchi Shohsanam To‘xtaboyeva murojaat qilib, oqqonga chalingan o‘g‘li Xumoyunmirzo Abduvahobovni davolash uchun xalqdan yordam so‘radi.
— O‘g‘lim 2022-yili bir kecha kunduzning o‘zida yurolmay qoldi. Tekshirtirgani olib borsak buyragi shishgan deyishdi. O‘ng buyrak ishlamayotgani uchun bolaning harakati cheklanayotganini aytishdi. Qoni kamligi uchun ahvoli og‘irlashib, jonlantirish bo‘limiga yotqizdik. Ikki marta o‘g‘limga qon quyishdi, ammo tanasi qabul qilmadi. Toshkentdagi shifokorlar qayta tashxis olib, bolam oqqonga chalinganini aytdi.
2019-yili qaynonamda ham ko‘krak saratoni aniqlangandi. “Meni emas, bolani davolatinglar. U dunyoga kelib nimani ko‘rdi?”, deb ko‘p aytardi. Qaynonam ham nabirasiga siqilib, bu dunyodan o‘tib ketdi.
Turmush o‘rtog‘im kunlik ishga chiqadi, topgani ro‘zg‘ordan ortmaydi. Hozir ham bolamni davolatishimiz kerak. Ammo qo‘limizda mablag‘ bo‘lmagani uchun kasalxonaga yotqiza olmayapmiz. Bolam bu dunyoga kelib, igna va osma ukoldan boshqa hech narsani ko‘rgani yo‘q. U ham davolanib, boshqa bolalar singari o‘ynab-kulishini istayman, — deydi Shohsanam To‘xtaboyeva.
Xumoyunmirzo Abduvahobovga xayriya qilishni istasangiz,
8600 0604 2689 7626 (Tukhtabayeva Shokhsanam)
Murojaat uchun: +(998 90) 687 27 69
Izoh (0)