“Меҳридарё” лойиҳасига Тошкент шаҳрида яшовчи Раҳима Тўйчиева мурожаат қилиб, оғир аҳволдаги фарзандини даволатиш учун халқдан ёрдам сўради.
— Ўғлим Шаҳбоз Тўйчиев оиласи, уч ва бир ярим яшар фарзанди бор. Ўтган йили боши кўп оғрийдиган бўлиб қолди. Текширтириб анча вақт даволатдик. Аммо самара бўлмай, касаллиги зўрайиб бораверди. Бир йил давомида уч марта мураккаб операцияни бошдан кечирди. Шу йилнинг февраль ойида унга абссесс деб операция қилишди. Кейин яна март ойида операция қилишди. Бошининг бир томони шишиб, мияга суюқлик йиғилади. Декабрь ойида ҳам оғир аҳволда касалхонага олиб келдик. Ўғлим умуман ҳаракатланолмай қолган, боши тинимсиз оғрийди, кўриш қобилияти ҳам ниҳоятда паст. Ҳозир ҳам олти кундан бери болам жонлантириш бўлимида даволаняпти.
Ўғлимни даволатиш учун уйимизни сотдик, қарз ҳам кўтардик. Аммо бу касалликни даволаш жуда қиммат экан.
Ҳозир томоғига катетер қўйилган, ўзи мустақил нафас ололмаяпти. Ҳозир жонлантириш бўлимида ётганига кунига бир ярим миллиондан маблағ тўлаяпмиз, қўшимчасига ўзим турган хонага ҳам пул тўлаймиз. Дори-дармонлари ниҳоятда қиммат. Ўғлим эндигина 33 ёшга тўлган, болалари ҳали жуда кичкина. Унинг яшашини Аллоҳдан сўраяпман, сабабини қилиб даволатяпмиз. Яхши инсонлар сиздан илтимос, агар имконингиз бўлса оиламизга ёрдам беринг. Шу кунгача бирорта хайрияларда иштирок этмагандим, аммо энди имконсизман. Сотадиган ҳеч нарсамиз қолмади, — дейди Раҳима Тўйчиева.
Шаҳбоз Тўйчиевга хайрия қилишни истасангиз,
8600 1204 6250 3585 (Тўйчиев Шаҳбоз)
4790 9122 1037 5087 (Тўйчиева Раҳимахон)
Мурожаат учун:
+998-94-373-32-21,
+998-90-926 05 08
Изоҳ (0)