Angliya Premyer Ligasining 17-turidan o‘rin olgan “Lyuton” va “Bornmut” o‘rtasidagi bahs ikkinchi bo‘lim o‘rtasida to‘xtatildi.
Uchrashuv to‘xtatilishiga “Lyuton” himoyachisi Tom Lokyerning hushini yo‘qotgani sabab bo‘ldi.
Bosh hakam Saymon Huper 65-daqiqada hushtagini chaldi va futbolchilarning maydonni tark etishiga ruxsat berdi.
Tanaffus 15 daqiqadan ziyod davom etdi. Lokyerga tibbiy xizmat ko‘rsatildi. “Bornmut” shifokori ta’kidlashicha, futbolchi tibbiy xodimlarning harakatlariga “reaksiya” bildirgan.
Qayd etib o‘tish joiz, uelslik futbolchi bilan joriy yil ikkinchi marta shunday hodisa yuz berdi. 27-may sanasida “Koventri”ga qarshi bahsda ham Tom yiqilib tushgan va iyun oyida operatsiyani boshidan o‘tkazgan.
Izoh (0)