Kelib chiqishi turk bo‘lgan germaniyalik bokschi Musa Yamak 38 yoshida vafot etdi.
Yamak 14-may kuni Germaniyaning Garxing shahrida o‘tkazilgan jangda ishtirok etgan. Hamza Vanderga qarshi jangning 3-raundida nemis bokschisi hushini yo‘qotgan.
38 yoshli bokschi kasalxonaga yetkazilgan, ammo u yerda o‘ziga kelmagan va infarktdan vafot etgan. Yurak xurujining sabablari hozircha noma’lum.
Yamak professional faoliyati davomida 8 ta jang o‘tkazib, barchasida g‘alaba qozongan.
Izoh (0)