Англия Премьер Лигасининг 17-туридан ўрин олган “Лютон” ва “Борнмут” ўртасидаги баҳс иккинчи бўлим ўртасида тўхтатилди.
Учрашув тўхтатилишига “Лютон” ҳимоячиси Том Локернинг ҳушини йўқотгани сабаб бўлди.
Бош ҳакам Саймон Ҳупер 65-дақиқада ҳуштагини чалди ва футболчиларнинг майдонни тарк этишига рухсат берди.
Танаффус 15 дақиқадан зиёд давом этди. Локерга тиббий хизмат кўрсатилди. “Борнмут” шифокори таъкидлашича, футболчи тиббий ходимларнинг ҳаракатларига “реакция” билдирган.
Қайд этиб ўтиш жоиз, уэлслик футболчи билан жорий йил иккинчи марта шундай ҳодиса юз берди. 27 май санасида “Ковентри”га қарши баҳсда ҳам Том йиқилиб тушган ва июнь ойида операцияни бошидан ўтказган.
Изоҳ (0)