Eron BRIKSni Isroilga bosim o‘tkazishga chaqirdi

Eron prezidenti Ibrohim Raisiн BRIKSning favqulodda yig‘ilishidagi chiqishi chog‘ida tashkilotga a’zo davlatlar rahbarlarini Isroilga bosim o‘tkazish uchun barcha mavjud siyosiy va iqtisodiy imkoniyatlardan foydalanishga chaqirdi.

Eron prezidenti tashabbusi bilan boshlangan Yaqin Sharq va G‘azodagi vaziyat bo‘yicha BRIKSning favqulodda yig‘ilishi videokonferensiya formatida bo‘lib o‘tmoqda.

“AQSH barcha xalqaro tashkilotlarni obro‘siz holga keltirdi. Eron BRIKS a’zolari va hukumatlaridan xavfsizlikni himoya qilishlarini, adolat o‘rnatishlarini va dunyoda irqiy kamsitishlarga qarshi kurashishlarini, Isroil va uning tarafdorlariga bosim o‘tkazish uchun barcha siyosiy va iqtisodiy imkoniyatlar hamda kuchlarni ishga solishlarini istaydi”, — dedi Raisiy.

Uning ta’kidlashicha, AQSH Isroilni energiya resurslari bilan ta’minlash orqali aslida Tel-Avivning G‘azo aholisiga qarshi jinoyatlarini osonlashtirmoqda, shuning uchun ham Eron prezidentining so‘zlariga ko‘ra, “Vashington dunyoning boshqa mamlakatlari va xalqlarining ishonchini yo‘qotdi”.