Эрон президенти Иброҳим Раисин БРИКСнинг фавқулодда йиғилишидаги чиқиши чоғида ташкилотга аъзо давлатлар раҳбарларини Исроилга босим ўтказиш учун барча мавжуд сиёсий ва иқтисодий имкониятлардан фойдаланишга чақирди.
Эрон президенти ташаббуси билан бошланган Яқин Шарқ ва Ғазодаги вазият бўйича БРИКСнинг фавқулодда йиғилиши видеоконференция форматида бўлиб ўтмоқда.
“АҚШ барча халқаро ташкилотларни обрўсиз ҳолга келтирди. Эрон БРИКС аъзолари ва ҳукуматларидан хавфсизликни ҳимоя қилишларини, адолат ўрнатишларини ва дунёда ирқий камситишларга қарши курашишларини, Исроил ва унинг тарафдорларига босим ўтказиш учун барча сиёсий ва иқтисодий имкониятлар ҳамда кучларни ишга солишларини истайди”, — деди Раисий.
Унинг таъкидлашича, АҚШ Исроилни энергия ресурслари билан таъминлаш орқали аслида Тель-Авивнинг Ғазо аҳолисига қарши жиноятларини осонлаштирмоқда, шунинг учун ҳам Эрон президентининг сўзларига кўра, “Вашингтон дунёнинг бошқа мамлакатлари ва халқларининг ишончини йўқотди”.
Изоҳ (0)