Ukraina prezidenti Vladimir Zelenskiy hayotiga qilingan suiqasdlar va Rossiyaning uni hokimiyatdan chetlatish rejasi haqida gapirdi. Bu haqda u The Sun nashriga bergan intervyusida ma’lum qildi.
Birinchi urinish dastlabki bo‘lganda juda qiziq bo‘ladi, keyingilari esa oson kechadi. Birinchisida odamlar nima qilishni bilmaydi va bu juda qo‘rqinchli ko‘rinadi. Keyingilarida esa razvedka Ukrainaga (suiqasd uchun) yana bir guruh kelgani haqidagi tafsilotlarni baham ko‘radi, — dedi Zelenskiy.
Ukraina prezidenti urush boshlanganidan beri uni o‘ldirishga urinishlar hisobida chalkashganini aytdi.
Putinning 5-6 suiqasdidan omon qoldim. Birinchisi eng qiziqarli. Keyingilari kovidga o‘xshaydi, osonroq kechadi, — dedi u.
Zelenskiy Moskva hali ham uni hokimiyatdan chetlatish istagidaligini, Rossiya missiyalaridan biri 2023-yil oxiriga rejalashtirilganini ta’kidladi.
U “Maydan-3” operatsiyasi deb nomlanadi, prezidentni almashtirishga qaratilgan. Balki qotillik yo‘li bilan emas. Ular qo‘llarida mavjud har qanday vositalardan foydalanadi, — dedi prezident.
Siyosatchi jurnalistning Ukraina bosib olingan hududlarda rossiyaparast shaxslar hayotiga suiqasd qilganmi, degan savoliga javob bermadi.
Men siz bilan Ukraina razvedkasi, maxfiy xizmati yoki biron bir maxsus kuchning maxsus operatsiyalarini muhokama qila olmayman. Ba’zi jihatlar borki, biz ularni muhokama qilmaymiz, — ta’kidladi Zelenskiy.
Agar imkoniyat paydo bo‘lsa, Ukraina Putinni o‘ldirish imkoniyatidan foydalana oladimi, degan savolga Zelenskiy: “Bu urush va Ukraina o‘z yerlarini himoya qilishga haqli”, deya xulosa qildi.
Izoh (0)