Yevropa Ittifoqi tashqi siyosat xizmati rahbari Josep Borrel G‘azo sektorining Isroil nazoratiga o‘tishini qabul qilib bo‘lmas holat, deb atadi. Uning qo‘shimcha qilishicha, mintaqada YIning faolroq ishtiroki zarur.
Borrell Asharq al-Awsat arab gazetasiga bergan intervyusida Yevropaning ushbu mojarodagi pozitsiyasini tushuntiruvchi uchta tezisni aytib o‘tdi.
Birinchidan, G‘azo sektoridagi Falastin xalqi boshqa hududlarga majburan ko‘chirilishi kerak emas. Ikkinchidan, anklav hududini qisqartirib bo‘lmaydi. Uchinchidan, G‘azo sektoridagi mojaro butun Falastin muammosi bilan birgalikda hal qilinishi kerak.
Mojarolarni hal qilish davrida G‘azo sektori hududi BMT Xavfsizlik Kengashi rezolyutsiyasida belgilangan shartlar asosida Falastin tomonidan boshqarilishi kerak, dedi u.
Josep Borrel, shuningdek, arab davlatlari va Yevropa Ittifoqini kelishmovchiliklarni hal qilishda faolroq ishtirok etishga chaqirdi.
Izoh (0)