Buyuk Britaniya hukumati iqlim o‘zgarishi oqibatlaridan eng ko‘p jabr ko‘rgan rivojlanayotgan mamlakatlarga yordam berish uchun 100 million funt sterling (125 million dollar) ajratadi.
Bu haqda Buyuk Britaniya bosh vaziri Rishi Sunak Londonda bo‘lib o‘tgan oziq-ovqat xavfsizligi bo‘yicha global sammitda ma’lum qildi
“Bugun biz oldinga boqqan holda iqlim o‘zgarishi tufayli yuzaga kelgan siklonlar va qurg‘oqchilikdan eng ko‘p zarar ko‘rgan Sharqiy Afrika, Afg‘oniston va Malavi mamlakatlariga 100 million funt sterlinggacha yordam ajratdik”, — dedi u.
Uning qayd etishicha, London uzoq muddatli strategiyaning bir qismi sifatida oziq-ovqat inqiroziga qarshi kurashdan ularning paydo bo‘lishining oldini olishga o‘tishni rejalashtirmoqda.
“Biz oziq-ovqat xavfsizligi inqirozlarini oldindan ko‘rish va oldini olish uchun texnologiyadan foydalanamiz. Hamkorlarimiz bilan birgalikda kelajakdagi inqirozlarning oldini olish uchun iqlim o‘zgarishining qishloq xo‘jaligiga ta‘sirini modellashtirish uchun sun’iy intellektdan foydalanamiz.
O‘tgan yili biz Somaliga ocharchilikdan qutulishga yordam berdik. Bugun men Somaliga kelajakdagi inqirozlarning oldini olish uchun qo‘shimcha 100 million funt sterling ajratishimizni e’lon qilaman”, — dedi Sunak.
Izoh (0)