Britaniya hukumati yaqin 24 soat ichida hamkorlar bilan Isroilni qo‘llab-quvvatlash choralarini kelishib oladi.
Bu haqda Buyuk Britaniya bosh vaziri Rishi Sunak X (sobiq Twitter) ijtimoiy tarmog‘idagi sahifasida ma’lum qilgan.
"Bugungi kunda sodir etilgan vahshiyliklarning qiyofasi tobora oydinlashib bormoqda va biz Isroilni so‘gsiz qo‘llab-quvvatlaymiz. HAMAS tomonidan amalga oshirilgan hujum — qo‘rqoqlik va jirkanchlik.
Biz Isroil bosh vaziri Benyamin Netanyaxuga u bilan to‘liq birdamligimizni bildirdik va qo‘llab-quvvatlash choralarini 24 soat ichida xalqaro hamkorlarimiz bilan muvofiqlashtirib boramiz" , — deb yozdi Rishi Sunak.
7-oktyabr kuni ertalab HAMAS kuchlari Isroilga hujum boshladi. HAMAS a’zolarining aytishicha, “Al-Aqsa to‘foni” operatsiyasi davomida Isroil shaharlariga besh mingta raketa uchirilgan, bir necha o‘nlab qurolli kuchlar Isroilning G‘azo sektori bilan chegaradosh aholi punktlariga kirib borgan.
Bu harakatlarga javoban Isroil ham G‘azo sektoriga aviazarbalar bermoqda. Isroil bosh vaziri Binyamin Netanyaxu mamlakat urush holatida ekanini aytdi.
Izoh (0)