Buyuk Britaniya bosh vaziri Rishi Sunak Vazirlar Mahkamasi tarkibini yangilamoqda. Xususan, Ichki ishlar va Tashqi ishlar vazirliklariga yangi rahbarlar tayinlandi. Bu haqda Sky News xabar berdi.
O‘zgarishlar kelgusi 12 oy ichida bo‘lib o‘tishi mumkin bo‘lgan umumiy saylovlarga tayyorgarlik ko‘rilayotgan paytda amalga oshirilmoqda. Sobiq bosh vazir Devid Kemeron tashqi ishlar vaziri bo‘ldi. Buyuk Britaniya bosh vaziri Rishi Sunak tegishli qarorni ushbu bo‘limning sobiq rahbari Suella Braverman shov-shuvli janjal tufayli ishdan bo‘shatilganini e’lon qilganidan keyin qabul qildi.
Avval Tashqi ishlar vazirligini boshqargan Jeyms Kleverli yangi ichki ishlar vaziri etib tayinlandi.
“Liz Trassning bosh vazirligi davrida moliya vaziri etib tayinlangan Jeremi Xant hozir ham o‘z lavozimini saqlab turibdi”, — deyiladi xabarda.
Britaniya Konservativ partiyasining ijtimoiy tarmoqlarda aytishicha, bu o‘zgarishlar Sunakning jamoasini yorqin kelajak uchun uzoq muddatli qarorlar qabul qilishda mustahkamlaydi.
Izoh (0)