Toshkent shahrida III “Zakovat-Gambit” shaxmat turnirining taqdirlash marosimi hamda badiiy qismi bo‘lib o‘tdi.
“Zakovat-Gambit” turniri davlat rahbarining alohida e’tiboridan keyin so‘nggi yillarda nufuzi ortib ketgan “Zakovat” klubining tashabbusi bo‘lib, mamlakatda yoshlar o‘rtasida shaxmat sport turnirini ommalashtirishga hissa qo‘shmoqda.
Bu yil uchinchi bor o‘tkazilayotgan ushbu musobaqada 4 mingdan ortiq ishtirokchilar orasidan eng kuchlilari bellashdi. “Zakovat-Gambit” shaxmat turniri E guruhi g‘oliblari:
1-o‘rin: Rauf Kasimov;
2-o‘rin: Akjol Rahmatullayev;
3-o‘rin: Biloliddin Obidov.
“Zakovat-Gambit” shaxmat turniri D guruhi g‘oliblari:
1-o‘rin: Islombek Sindorov;
2-o‘rin: Shahrombek Karimov;
3-o‘rin: Abdulaziz Kurbanov.
“Zakovat-Gambit” shaxmat turniri C guruhi g‘oliblari:
1-o‘rin: Asrorjon Omonov;
2-o‘rin: Akobirxon Saydaliyev;
3-o‘rin: Nurulla Uralov.
“Zakovat-Gambit” shaxmat turniri B guruhi g‘oliblari:
1-o‘rin: Muhammadzohid Suyarov;
2-o‘rin: Bobir Sattarov;
3-o‘rin: Almas Rahmatullayev.
“Zakovat-Gambit” shaxmat turniri A guruhi g‘oliblari:
1-o‘rin: Muhiddin Madaminov;
2-o‘rin: Nodirbek Yoqubboyev;
3-o‘rin: Shamsiddin Vohidov.
Tadbirda ishtirok etgan Prezident yordamchisi Saida Mirziyoyeva yoshlar o‘rtasida bilim va aql-zakovatga qiziqishni trend darajasiga chiqarish eng katta orzu-maqsad bo‘lganini ta’kidladi.
“Biz bundan ikki yil avval har bir yigit-qiz bilimi va aql-idrokini namoyon eta oladigan formatni taklif qilgandik. Yoshlar o‘ziga bo‘lgan ishonchni mustahkamlaydigan o‘yin maydonini yaratdik. Bugun ‘Zakovat-Gambit’ turniri doirasida yurtimizning zukko yoshlari shaxmat taxtasida mashhur jahon chempionlari Vladimir Kramnik va Xou Ifanga qarshi dona surdilar.
Ishonchim komilki, bu voqea ularning har birida unutilmas taassurot qoldirdi va keyingi cho‘qqilarni zabt etishda zamin bo‘lib xizmat qiladi. Ishtirokchilar esa, o‘z navbatida, millatimiz uchun namuna bo‘lib qoladi. Aqlli, yorqin va isteʼdodli farzandlar namunasi”, — deydi Mirziyoyeva.
