Остона, Чимкент ва Қозоғистоннинг қатор вилоятларида 26 октябрь куни қор, бўрон, кузатилиб, ерлар музлаши ва шамол кучайиши кутилмоқда. Бу ҳақда “Казгидромет”га таяниб, “Нур.кз” хабар берди.
Остонада музлаш кузатилиши, шаҳарда ва Чимкентда шамол тезлиги 15-20 м/с гача кучайиши кутилмоқда. 26 октябрь куни кечаси ва эрталаб Манғистов вилоятининг шарқи ва марказига туман тушиши мумкин.
Ғарбий Қозоғистон вилоятининг ғарбий ва жанубида ҳам туман тушиши, шамол эсиши, унинг тезлиги 15-20 м/с тезликда бўлиши кутилмоқда. Улитау вилоятининг шимоли ва шарқида музлаш, Туркистон вилоятининг тоғли ҳудудларида эса кучли ёмғир ва туман тушишини тахмин қилинган.
26-октябрь куни Оқмўла вилоятининг шимоли, жануби ва шарқида музлаш кузатилиб, қор ёғиши мумкин. Шимолий Қозоғистон вилоятининг кўп қисмида ёғингарчилик (ёмғир, қор) бўлиши кутилмоқда. Вилоятнинг шимоли, ғарбий ва жанубида музлаш кузатилади. Кўстанай вилоятининг шимолий, шарқи ва жанубида туман тушиши, музлаши, қор ёғиши, 15-20 м/с тезликда шамол бўлиши мумкин.
Шарқий Қозоғистон вилоятининг шимолий ва шарқида вақти-вақти билан кучли ёғингарчилик (ёмғир, қор ёғиши) кутилмоқда. Шамол шимолдан, жанубдан, вилоят марказида 15-20 тезликда, кундузи 23 м/с тезликда эсади.
Қозоғистон Ички ишлар вазирлиги ҳайдовчиларни об-ҳаво ёмонлашганда йўлда юзага келиши мумкин бўлган хавфлардан огоҳлантиради. Вазирлик автомобиль эгалари об-ҳаво ўзгаришлари ва маълумотларини, шунингдек, об-ҳавонинг ёмонлашуви ва йўлларнинг ёпилиши ҳақида махсус хабарларни диққат билан кузатиб боришлари кераклигини билдирган.
Изоҳ (0)