Qozog‘iston Respublikasi kuni munosabati bilan mamlakat prezidenti davlat mukofotlari va medallarini topshirdi, deb xabar bermoqda Akorda. Qosim-Jo‘mart To‘qayev tantanali marosimda so‘zga chiqib, dunyodagi murakkab vaziyat va Qozog‘istonning siyosiy roli haqida gapirdi.
“Qozog‘iston suveren davlat sifatida xalqimizning milliy manfaatlariga mos keladigan, xalqaro xavfsizlikni ta’minlashga qaratilgan mintaqaviy va global jarayonlarda muhim rol o‘ynaydigan mutanosib, konstruktiv tashqi siyosatni doimo olib bormoqda”, — dedi To‘qayev.
Qozog‘iston prezidenti hozirgi murakkab geosiyosiy vaziyatda mamlakatning pozitsiyasini bayon qildi. Uning ta’kidlashicha, ko‘plab nufuzli xalqaro ekspertlar respublikani dunyo beshigi deb atashadi.
“Bugun mamlakatimiz mintaqaviy madaniy-ma’naviy markazga aylandi. Joriy yilda bu yerda xorijlik ijodiy guruhlar 200 dan ortiq madaniy tadbirlar o‘tkazdi. Bu yurtimizdagi barqarorlik va osoyishtalikning yaqqol ko‘rsatkichi, desak, boshqalarga ibrat bo‘ladi. Axir hech kim barqarorlik va osoyishtalik bo‘lmagan mamlakatga borishga intilmaydi”, — dedi To‘qayev.
Qozog‘iston rahbari tinchlik va totuvlikni mamlakatning asosiy boyligi deb atadi va uni qadrlash kerakligini ta’kidladi. To‘qayev buni har bir mamlakat fuqarosi tushunishi kerak, deya xulosa qildi.
Izoh (0)