Qirg‘iziston shimolida joylashgan Issiqko‘l ko‘li anomal sovuq tufayli muzlab qoldi, deb yozadi “Xabar 24”. Bu yerda harorat -30 darajagacha tushib ketgan.
Mahalliy aholi bu hodisadan xavotirga tushdi, chunki Issiqko‘l odatda muz bilan qoplanmaydi — suv havzasiga “Issiqko‘l” deb nom berilishi bekorga emas. Bu unga kelib quyiladigan daryolardan issiqlik energiyasi zaxiralari to‘planishi bilan bog‘liq. Suv qatlamlaridagi issiqlik zaxiralari ko‘lning muz bilan qoplanishiga yo‘l qo‘ymaydi.
Issiqko‘l sayyoradagi eng chuqur ko‘llar ro‘yxatida yettinchi o‘rinni egallaydi. Shuningdek, u dunyoda kattaligi bo‘yicha ikkinchi o‘rinda turuvchi sho‘r ko‘ldir. U 80 dan ortiq jilg‘alar va ikkinchi darajali irmoqlardan suv oladi, biroq undan suv oqib chiqmaydi. Dengiz sathidan katta balandlikda (1609 m) joylashganiga qaramasdan, ko‘l hech qachon muzlamaydi: suvning o‘rtacha harorati 22 darajani tashkil qiladi.
Izoh (0)