“Aeroflot” kompaniyasi samolyoti 18-yanvar kuni Moskvadan Goaga uchayotgan vaqtida Urganchga qo‘ndirildi. Bu haqda Uzbekistan Airports axborot xizmati xabar berdi.
AFL236 yo‘lovchi reysi Goa yo‘nalishi bo‘yicha uchayotgan vaqtda mast holatda zo‘ravonlik qilgan yo‘lovchi sabab Urganch xalqaro aeroportidagi muqobil aerodromga kelib qo‘ngan. Ekipaj samolyot bortiga militsiya xodimlarini chaqirgan.
“Bortida 356 yo‘lovchi bo‘lgan Boeing 777-300 samolyoti mahalliy vaqt bilan 20:29 da favqulodda qo‘nishni amalga oshirdi. Zo‘ravon yo‘lovchi reysdan olindi. Havo kemasi Urganchdan manzil aeroportiga parvozini davom ettiradi”, — deyiladi xabarda.
Mavzuga doir: Toshkentdan Olmaotaga uchayotgan samolyot kuchli havo girdobiga tushib qoldi
Izoh (0)