Qashqadaryo viloyati Muborak tumanida yo‘lovchi avtobusining gaz balloni portlab ketgani haqida xabar berilgan edi. Viloyat sog‘liqni saqlash boshqarmasi buning oqibatida jabrlanganlar haqida ma’lumot berdi.
Unga ko‘ra, Muborak tumani tibbiyot birlashmasiga 15-oktyabr kuni soat 17:30 lar atrofida 24 nafar bemor olib kelingan. Shundan 16 nafariga ambulator yordam ko‘rsatilib, uyiga javob berilgan. 4 nafar bemor turli jarohatlar bilan jarrohlik bo‘limida nazoratda qoldirildi. 4 nafar bemor reanimatsiya bo‘limiga yotqizilib, jarrohlik amaliyoti o‘tkazildi. Vafot etganlar yo‘q.
Vaziyat viloyat sog‘liqni saqlash boshqarmasining qatʼiy nazoratiga olingan.
Gaz ballonlarining portlashiga bog‘liq holatlar
May boshlarida Qashqadaryo viloyati Muborak tumanidagi gaz quyish shoxobchasida Nexia-2 mashinasiga o‘rnatilgan gaz ballonida portlash sodir bo‘lgandi. Fevral oxirlarida esa Samarqanddagi metan zapravkada Nexia-3 gaz balloni portlashi oqibatida bir nafar ishchi halok bo‘lgan. Shuningdek, Qoraqalpog‘istondagi zapravkada Nexia-2 ning, Andijondagi gaz zapravkada esa Damas’ning gaz balloni portlagani to‘g‘risida xabar berilgandi.
Izoh (0)