Қашқадарё вилояти Муборак туманида йўловчи автобусининг газ баллони портлаб кетгани ҳақида хабар берилган эди. Вилоят соғлиқни сақлаш бошқармаси бунинг оқибатида жабрланганлар ҳақида маълумот берди.
Унга кўра, Муборак тумани тиббиёт бирлашмасига 15 октябрь куни соат 17:30 лар атрофида 24 нафар бемор олиб келинган. Шундан 16 нафарига амбулатор ёрдам кўрсатилиб, уйига жавоб берилган. 4 нафар бемор турли жароҳатлар билан жарроҳлик бўлимида назоратда қолдирилди. 4 нафар бемор реанимация бўлимига ётқизилиб, жарроҳлик амалиёти ўтказилди. Вафот этганлар йўқ.
Вазият вилоят соғлиқни сақлаш бошқармасининг қатъий назоратига олинган.
Газ баллонларининг портлашига боғлиқ ҳолатлар
Май бошларида Қашқадарё вилояти Муборак туманидаги газ қуйиш шохобчасида Nexia-2 машинасига ўрнатилган газ баллонида портлаш содир бўлганди. Февраль охирларида эса Самарқанддаги метан заправкада Nexia-3 газ баллони портлаши оқибатида бир нафар ишчи ҳалок бўлган. Шунингдек, Қорақалпоғистондаги заправкада Nexia-2 нинг, Андижондаги газ заправкада эса Damas’нинг газ баллони портлагани тўғрисида хабар берилганди.
Изоҳ (0)