O‘zbekistonda dam olish kunlari kuzatiladigan ob-havo e’lon qilindi

“O‘zgidromet” 14—16-oktyabr kunlari respublika hududida kuzatiladigan ob-havo ma’lumotlarini e’lon qildi.

Qoraqalpog‘iston Respublikasi va Xorazm viloyatida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 2-7 daraja iliq, baʼzi joylarda 1-3 darajagacha sovuq, kunduzi 14-15-oktyabrda 12-17 daraja, 16-oktyabrda 15-20 daraja bo‘ladi.

Buxoro va Navoiy viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 2-7 daraja iliq, kunduzi 14-oktyabrda 12-17 daraja, 15-oktabrda 15-20 daraja, 16-oktyabrda 17-22 daraja bo‘ladi.

Toshkent, Samarqand, Jizzax va Sirdaryo viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 3-8 daraja iliq, kunduzi 14-oktyabrda 12-17 daraja, 15-16-oktyabrda 15-20 daraja bo‘ladi.

Qashqadaryo va Surxondaryo viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat 14-oktyabrda kechasi 5-10 daraja, kunduzi 12-17 daraja; 15-oktyabrda kechasi 5-10 daraja, kunduzi 17-22 daraja; 16-oktyabrda kechasi 7-12 daraja, kunduzi 19-24 daraja bo‘ladi.

Andijon, Namangan va Farg‘ona viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 3-8 daraja iliq, kunduzi 14-oktyabrda 12-17 daraja, 15—16-oktyabrda 14-19 daraja bo‘ladi.

Respublikaning tog‘li hududlarida havo o‘zgarib turadi, 14-oktyabrda kechasi va ertalab Farg‘ona vodiysining tog‘li hududlarida vaqti-vaqti bilan yog‘ingarchilik (yomg‘ir, qor) bo‘ladi.

15—16-oktyabrda yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat 14-oktyabrda kechasi 0-5 daraja sovuq, kunduzi 5-10 daraja iliq; 15-oktyabrda kechasi 2 daraja sovuq — 3 daraja iliq, kunduzi 5-10 daraja iliq; 16-oktyabrda kechasi 0-5 daraja iliq, kunduzi 8-13 daraja iliq bo‘ladi.

Avvalroq O‘zbekiston hududiga 12—14-oktyabr kunlari nam va sovuq havo massalari kirib kelishi kutilayotgani to‘g‘risida xabar berilgandi.