Sanitariya-epidemiologik osoyishtalik va jamoat salomatligi qo‘mitasi raisiga o‘rinbosarlar tayinlandi. Bu haqda qo‘mita matbuot xizmati xabar berdi.
Xususan, Nurmat Otabekov Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi raisi birinchi o‘rinbosari bo‘ldi.
Nurmat Otabekov 1957-yil 17-iyunda Qozog‘iston Respublikasi Chimkent viloyatida tug‘ilgan. 1981-yilda Toshkent davlat tibbiyot institutini tamomlagan. “Fidokorona xizmatlari uchun” ordeni bilan mukofotlangan.
U 2019—2020-yillarda Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i, 2020-yildan mazkur tayinlovga qadar Sanitariya-epidemiologik osoyishtalik va jamoat salomatligi xizmati boshlig‘i o‘rinbosari lavozimida faoliyat yuritgan.
Botir Qurbonov — Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi raisi o‘rinbosari lavozimiga;
Botirjon Qurbonov 1979-yil 16-fevralda O‘sh viloyatida tug‘ilgan. 2004-yil 2-Toshkent davlat tibbiyot institutini tamomlagan. “Salomatlik” II-darajali ordeni va “Mustaqillik 30 yilligi” ko‘krak nishoni bilan mukofotlangan. Tibbiyot fanlari bo‘yicha falsafa doktori (PhD).
So‘nggi yillarda u Respublika Davlat sanitariya-epidemiologiya nazorati markazining epidemiologiya masalalari bo‘yicha bosh vrach o‘rinbosari, Sanitariya epidemiologik osoyishtalik agentligi direktorining birinchi o‘rinbosari lavozimlarida faoliyat yuritgan.
Qobil Hayitov — Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi raisi o‘rinbosari lavozimiga.
.jpg)
Qobul Hayitov 1986-yil 19-iyunda Navoiy viloyati Xatirchi tumanida tug‘ilgan. 2007-yili Toshkent moliya institutini tamomlagan. “Soliq xizmatining II darajali maslahatchisi” maxsus unvoniga ega.
Songgi yillarda u Davlat soliq qo‘mitasi Moliya va moddiy-texnika ta'minoti boshqarmasi boshlig‘i o‘rinbosari, Moliya va moddiy-texnika ta'minoti boshqarmasi Buxgalteriya bo‘limi davlat soliq bosh inspektori lavozimlarida ishlagan.
Izoh (0)