“Mehridaryo” loyihasiga toshkentlik Humora Subonova murojaat qilib, og‘ir kasallikka chalingan o‘g‘lini davolash uchun xalqdan yordam so‘ramoqda.
— Ikki qizdan keyin o‘g‘il farzandli bo‘lganman. 8 yoshli o‘g‘lim Murodjon Urazaliyev sport bilan muntazam shug‘ullanadigan bola edi. Shu yilning yanvar oyida o‘g‘lim shamollab, biroz yo‘taldi. Ahvoli u qadar yomon emasdi. Ammo shifokorga ko‘rsatganimizda MRT tekshiruvidan ham o‘tishni maslahat berdi. Tekshiruvlar natijasida o‘g‘limning ko‘kraklari orasida o‘simta, saraton aniqlandi.
Men buni hech qaysi onaga ravo ko‘rmasdim. Hayotda o‘zgalardan yordam so‘rab yashaydigan inson emasdim. Hamma narsaga o‘z mehnatim bilan erishishga harakat qilardim. Ammo ota-ona farzandi uchun har narsaga tayyor bo‘lar ekan.
O‘g‘lim sakkiz oy davomida O‘zbekistonga kimyo terapiya muolajalarini oldi. Buning qanchalar azob ekanini o‘sha yerda davolanayotgan insonlar va ularning yaqinlari yaxshi bilishadi. Kimyo terapiya natijasida o‘simta ancha qisqargan, ammo butunlay yo‘qolib ketgani yo‘q.
Shifokorlar “Xursand bo‘lingki, o‘simta suyakda emas, tomirda joylashgan”, deyishyapti. Bu kasallik O‘zbekistonda operatsiya qilinmaydi, Turkiya yoki Hindistonga olib borishimiz kerak. Hindistonda ilik ko‘chirish operatsiyasini o‘tkazish 600-700 million so‘mga qilinar ekan.
Qo‘limda bor-yo‘g‘i 7000 AQSH dollari bor, ammo bolamni operatsiya qildirishim kerak. Kimyo terapiya muolajalarini olish uchun ham ancha mablag‘ sarfladik, shu bois xalqdan yordam so‘rashga majbur bo‘ldim.
Yaxshi insonlar, bolam yashashga intilyapti, uning orzu umidlari ko‘p. Sizlardan iltimos, uning hayotga qaytishiga yordam beringlar. Haqqiga duo qilib, sog‘liq tilanglar, — deydi bemorning onasi Humora Subonova.
Murodjon Urazaliyevga xayriya qilishni istasangiz,
8600 3129 9646 0834 (Xumara Subanova)
Murojaat uchun: 99 8459535
Izoh (0)