“Меҳридарё” лойиҳасига тошкентлик Ҳумора Субонова мурожаат қилиб, оғир касалликка чалинган ўғлини даволаш учун халқдан ёрдам сўрамоқда.
— Икки қиздан кейин ўғил фарзандли бўлганман. 8 ёшли ўғлим Муроджон Уразалиев спорт билан мунтазам шуғулланадиган бола эди. Шу йилнинг январь ойида ўғлим шамоллаб, бир оз йўталди. Аҳволи у қадар ёмон эмасди. Аммо шифокорга кўрсатганимизда МРТ текширувидан ҳам ўтишни маслаҳат берди. Текширувлар натижасида ўғлимнинг кўкраклари орасида ўсимта, саратон аниқланди.
Мен буни ҳеч қайси онага раво кўрмасдим. Ҳаётда ўзгалардан ёрдам сўраб яшайдиган инсон эмасдим. Ҳамма нарсага ўз меҳнатим билан эришишга ҳаракат қилардим. Аммо ота-она фарзанди учун ҳар нарсага тайёр бўлар экан.
Ўғлим саккиз ой давомида Ўзбекистонга кимё терапия муолажаларини олди. Бунинг қанчалар азоб эканини ўша ерда даволанаётган инсонлар ва уларнинг яқинлари яхши билишади. Кимё терапия натижасида ўсимта анча қисқарган, аммо бутунлай йўқолиб кетгани йўқ.
Шифокорлар “Хурсанд бўлингки, ўсимта суякда эмас, томирда жойлашган”, дейишяпти. Бу касаллик Ўзбекистонда операция қилинмайди, Туркия ёки Ҳиндистонга олиб боришимиз керак. Ҳиндистонда илик кўчириш операциясини ўтказиш 600-700 миллион сўмга қилинар экан.
Қўлимда бор-йўғи 7000 АҚШ доллари бор, аммо боламни операция қилдиришим керак. Кимё терапия муолажаларини олиш учун ҳам анча маблағ сарфладик, шу боис халқдан ёрдам сўрашга мажбур бўлдим.
Яхши инсонлар, болам яшашга интиляпти, унинг орзу умидлари кўп. Сизлардан илтимос, унинг ҳаётга қайтишига ёрдам беринглар. Ҳаққига дуо қилиб, соғлиқ тиланглар, — дейди беморнинг онаси Ҳумора Субонова.
Муроджон Уразалиевга хайрия қилишни истасангиз,
8600 3129 9646 0834 (Хумара Субанова)
Мурожаат учун: 99 8459535
Изоҳ (0)