“Mehridaryo” loyihasiga Xatirchi tumanida yashovchi Nargiza O‘razova murojaat qilib, og‘ir turdagi qon kasalligiga chalingan o‘g‘lini davolatish uchun xalqdan yordam so‘radi.
.jpg)
— Uch nafar o‘g‘lim bor. 2018-yili ikkinchi o‘g‘lim Sardor Nurmamatovda aplastik anemiya kasalligi aniqlandi. U kasallik nima ekanligini bilmaydigan bola edi. O‘sha yili harbiy xizmatga borish uchun tekshiruvlardan o‘tayotganda, qoni kam ekanligi maʼlum bo‘ldi. Keyin tanasi oqarib, lablari qurib, holsiz bo‘lib qoldi. Hozirgi kunda o‘g‘limning tanasi umuman qon ishlab chiqarmaydi. Olti yildan buyon boshqa insonlarning qoni bilan yashab kelmoqda. Har hafta kasalxonaga borib, 500 ml qon quydiramiz, birdan ahvoli yaxshilanib qoladi. Kunlik dorilarini ichishi kerak, bo‘lmasa ovqat ham yemay qo‘yadi. Kasallik aniqlangan yili dadasi uyni sotib bo‘lsa-da, davolatishga harakat qildi. O‘g‘limning ahvoli ancha yaxshilanib kelayotgandi, ammo ikki yil avval boshimizda yana bir og‘ir sinov keldi. Dadasi mashinada odam urib yuborib, 5 yilga ozodlikdan mahrum etildi. O‘g‘lim tushkunlikka tushib, ahvoli yana yomonlashdi.
.jpg)
Bolam doimiy eʼtiborga muhtoj bo‘lgani uchun hech qayerda ishlolmayman. Ammo so‘nggi paytlarda bozorlik ham qilolmay qolyapmiz. Dorilarini ichib yursa, ahvoli yaxshi bo‘ladi. Bo‘lmasa, birdan mazasi qochadi. Yaxshi insonlar, qiyin vaziyatda bo‘lganim uchun 10 soat yo‘l bosib bemor bolam bilan Toshkentga keldim. Sizlardan iltimos, o‘g‘limning davolanishi uchun yordam beringlar. Uning sog‘ayib ketishiga ishonaman, — deydi bemorning onasi Nargiza O‘razova.
Nurmamatov Sardorga xayriya qilishni istasangiz,
8600 0424 6667 9734 Nurmamatov Sardor
Murojaat uchun: +998 93 317-57-02
Izoh (0)