AQSHda tibbiyot xodimlarining tarixdagi eng yirik ish tashlashi boshlandi. 75 ming kishi ish haqini oshirish va kadrlar taqchilligini bartaraf etish talabi bilan ko‘chalarga chiqdi.
Hamshiralar, UTT mutaxassislari, feldsherlar va farmatsevtlar yuqori maosh va xodimlar shtatini kengaytirishni talab qilmoqdalar.
“Men yosh ayolman va o‘z kvartiramda yashashni xohlayman. Lekin mening bunga imkonim yo‘q. Shu sababli bobom va buvim bilan birga yashashga majburman”, — deydi radiolog Jaklin Dyuli.
Bu mamlakat sog‘liqni saqlash tarixidagi eng yirik ish tashlashdir. U bir vaqtning o‘zida bir nechta shtatlarni qamrab oldi — Koloradodan Vashingtongacha. Faqat bitta kompaniyaning xodimlari ish tashlashmoqda, ammo ularning soni 75 mingtani tashkil etadi.
“Hozirda tibbiy sug‘urtada inqiroz mavjud. Shuning uchun biz xarajatlar balansini topishga va pulni tejamkorlik bilan sarflashga harakat qilyapmiz”, — dedi tibbiyot kompaniyasi ijrochi direktori Mishel Gaskill-Heyms.
Namoyish sakkiz kasaba uyushmasi koalitsiyasi tomonidan uyushtirilgan. Rahbariyat bilan kelishuvga erishishning imkoni bo‘lmagani bois faollar bir necha kunga ish to‘xtatilishini e’lon qilishdi.
“Bizda menejerlar ko‘payib bormoqda, ammo ishchilar yetarli emas. Biz xodimlar shtati kengaytirilishini istaymiz”, — dedi ultratovush tekshiruvi mutaxassisi Ron Frixend.
Ish tashlash shanba kuni ertalabgacha davom etadi, biroq kasaba uyushmalari yetakchilarining aytishicha, talablar javobsiz qolsa, noyabr oyida qayta amalga oshirilishi mumkin.
Izoh (0)