АҚШда тиббиёт ходимларининг тарихдаги энг йирик иш ташлаши бошланди. 75 минг киши иш ҳақини ошириш ва кадрлар тақчиллигини бартараф этиш талаби билан кўчаларга чиқди.
Ҳамширалар, УТТ мутахассислари, фелдшерлар ва фармацевтлар юқори маош ва ходимлар штатини кенгайтиришни талаб қилмоқдалар.
“Мен ёш аёлман ва ўз квартирамда яшашни хоҳлайман. Лекин менинг бунга имконим йўқ. Шу сабабли бобом ва бувим билан бирга яшашга мажбурман”, — дейди радиолог Жаклин Дюли.
Бу мамлакат соғлиқни сақлаш тарихидаги энг йирик иш ташлашдир. У бир вақтнинг ўзида бир нечта штатларни қамраб олди — Колорадодан Вашингтонгача. Фақат битта компаниянинг ходимлари иш ташлашмоқда, аммо уларнинг сони 75 мингтани ташкил этади.
“Ҳозирда тиббий суғуртада инқироз мавжуд. Шунинг учун биз харажатлар балансини топишга ва пулни тежамкорлик билан сарфлашга ҳаракат қиляпмиз”, — деди тиббиёт компанияси ижрочи директори Мишел Гаскилл-Ҳеймс.
Намойиш саккиз касаба уюшмаси коалицияси томонидан уюштирилган. Раҳбарият билан келишувга эришишнинг имкони бўлмагани боис фаоллар бир неча кунга иш тўхтатилишини эълон қилишди.
“Бизда менежерлар кўпайиб бормоқда, аммо ишчилар етарли эмас. Биз ходимлар штати кенгайтирилишини истаймиз”, — деди ултратовуш текшируви мутахассиси Рон Фрихенд.
Иш ташлаш шанба куни эрталабгача давом этади, бироқ касаба уюшмалари етакчиларининг айтишича, талаблар жавобсиз қолса, ноябрь ойида қайта амалга оширилиши мумкин.
Изоҳ (0)