Anqaradagi ko‘mir konida tuproq ko‘chishi oqibatida 15 nafar ishchi jarohat oldi. Bu haqda mahalliy hokimiyat ma’lum qildi.
Hirkatepe tumanidagi “K” kon uchastkasida tuproqning ko‘chishi tufayli 15 nafar konchi yengil tan jarohati oldi, deyiladi xabarda.
Jarohatlanganlarning uch nafari kasalxonaga yotqizilgan bo‘lib, qolganlarga voqea joyida tibbiy yordam ko‘rsatilgan.
2022-yilning 14-oktyabr kuni Turkiyaning Bartin viloyati Amasra tumanidagi ko‘mir konida portlash yuz berishi oqibatida 40 nafar inson halok bo‘lgandi. O‘shanda Turkiya prezidenti Rajab Toyyib Erdo‘g‘on voqea joyiga yetib borib, vaziyat bilan yaqindan tanishgan va halok bo‘lganlarning oila a’zolariga hamdardlik bildirgan.
Turkiya konlaridagi eng yirik portlashlardan biri 2014-yil mayida Manisa viloyatida sodir bo‘lgan, o‘shanda 270 dan ortiq odam halok bo‘lgandi.
Izoh (0)