Prezident yordamchisi Saida Mirziyoyeva Xitoyning O‘zbekistondagi elchisi Yuy Szyun bilan uchrashdi.

Maʼlum qilinishicha, uchrashuvda madaniy-gumanitar, taʼlim va turizm sohalarida hamkorlikni yanada rivojlantirish masalalari muhokama qilingan. Diplomat O‘zbekiston–Xitoy o‘rtasidagi do‘stlik va har tomonlama strategik sheriklik aloqalarini mustahkamlashga qaratilgan tashabbus va qo‘shma loyihalarni faol ilgari surishga tayyorligini bildirgan. 

“Bugun biz Xitoy Xalq Respublikasining O‘zbekiston Respublikasidagi elchisi Yuy Szyun bilan uchrashdik. Suhbat davomida mamlakatlarimiz o‘rtasidagi ikki tomonlama munosabatlarning bugungi holati va istiqbollari yuzasidan fikr almashdik. Madaniy-gumanitar, taʼlim va turizm sohalarida hamkorlikni yanada rivojlantirish masalalarini muhokama qildik.

XXR elchisi Xitoy tomoni mamlakatimizdagi uzoq muddatli islohotlar strategiyasini har tomonlama qo‘llab-quvvatlashini alohida taʼkidladi. Diplomat O‘zbekiston–Xitoy o‘rtasidagi do‘stlik va har tomonlama strategik sheriklik aloqalarini mustahkamlashga qaratilgan tashabbus va qo‘shma loyihalarni faol ilgari surishga tayyorligini bildirdi”, — deydi Saida Mirziyoyeva.