“Меҳридарё” лойиҳасига Хатирчи туманида яшовчи Наргиза Ўразова мурожаат қилиб, оғир турдаги қон касаллигига чалинган ўғлини даволатиш учун халқдан ёрдам сўради.
.jpg)
— Уч нафар ўғлим бор. 2018 йили иккинчи ўғлим Сардор Нурмаматовда апластик анемия касаллиги аниқланди. У касаллик нима эканлигини билмайдиган бола эди. Ўша йили ҳарбий хизматга бориш учун текширувлардан ўтаётганда, қони кам эканлиги маълум бўлди. Кейин танаси оқариб, лаблари қуриб, ҳолсиз бўлиб қолди. Ҳозирги кунда ўғлимнинг танаси умуман қон ишлаб чиқармайди. Олти йилдан буён бошқа инсонларнинг қони билан яшаб келмоқда. Ҳар ҳафта касалхонага бориб, 500 мл қон қуйдирамиз, бирдан аҳволи яхшиланиб қолади. Кунлик дориларини ичиши керак, бўлмаса овқат ҳам емай қўяди. Касаллик аниқланган йили дадаси уйни сотиб бўлса-да, даволатишга ҳаракат қилди. Ўғлимнинг аҳволи анча яхшиланиб келаётганди, аммо икки йил аввал бошимизда яна бир оғир синов келди. Дадаси машинада одам уриб юбориб, 5 йилга озодликдан маҳрум этилди. Ўғлим тушкунликка тушиб, аҳволи яна ёмонлашди.
.jpg)
Болам доимий эътиборга муҳтож бўлгани учун ҳеч қаерда ишлолмайман. Аммо сўнгги пайтларда бозорлик ҳам қилолмай қоляпмиз. Дориларини ичиб юрса, аҳволи яхши бўлади. Бўлмаса, бирдан мазаси қочади. Яхши инсонлар, қийин вазиятда бўлганим учун 10 соат йўл босиб бемор болам билан Тошкентга келдим. Сизлардан илтимос, ўғлимнинг даволаниши учун ёрдам беринглар. Унинг соғайиб кетишига ишонаман, — дейди беморнинг онаси Наргиза Ўразова.
Нурмаматов Сардорга хайрия қилишни истасангиз,
8600 0424 6667 9734 Нурмаматов Сардор
Мурожаат учун: +998 93 317-57-02
Изоҳ (0)