Buyuk Britaniya hukumati tabiiy ofatdan jabr ko‘rgan Liviya va Marokash aholisiga yordam berish uchun qo‘shimcha 10 million funt sterling (12,5 million dollar) ajratadi.
Bu haqda Buyuk Britaniya Tashqi ishlar vazirligi ma’lum qildi.
“Birlashgan Qirollik Liviyadagi suv toshqini va Marokashdagi zilzila uchun moliyaviy yordamini 10 milliongacha ko‘tardi”, — deyiladi bayonotda.
Mablag‘larning asosiy qismi insonparvarlik yordami, suv filtrlari va Liviyada vaqtinchalik boshpana qurish uchun to‘plamlar yuborishga mo‘ljallangan. 13-sentabr kuni Britaniya Tashqi ishlar vazirligi Liviyaga yordam ko‘rsatish uchun 1 million funt sterling (1,25 million dollar) ajratishini ma’lum qildi. 10-sentabr kuni qirollik o‘tgan haftada 7 magnitudali zilziladan jabr ko‘rgan Marokashga 60 nafar qutqaruvchini yubordi.
“Liviyada suv toshqini ortidan odamlarning yo‘qolishi va vayronagarchiliklarni ko‘rish dahshatli. Buyuk Britaniya ushbu o‘ta og‘ir damda Liviya xalqini qo‘llab-quvvatlashga sodiqdir. Biz Buyuk Britaniya tomonidan ajratilgan mablag‘ miqdorini ko‘paytiramiz”, — dedi tashqi ishlar vaziri o‘rinbosari Tariq Ahmad.
Izoh (0)