Podmoskovye yaqinida Iosif Stalin 1930-yillar boshida yashagan “Lipki-Alekseevskoye” mulki kimoshdi savdosiga qo‘yiladi. Bu haqda “Dom.rf” davlat kompaniyasi saytida xabar berildi.
.jpg)
Dacha 3-noyabr kuni kimoshdi savdosida namoyish qilinadi. Lotga 38,4 gektar yer uchastkasi va umumiy maydoni 3,8 ming kvadrat metr bo‘lgan ko‘chmas mulk ijarasi kiradi. Boshlang‘ich bahosi — 403,49 million rubl (taxmina 4,162 million dollar).
“Dom.rf” direktori Nikolay Sarokvashaning so‘zlariga ko‘ra, auksionda sotish mulkka “ikkinchi hayot” berish uchun yagona imkoniyat bo‘lishi mumkin.
Kimoshdi savdosi g‘olibi mulkni saqlash ishlarini amalga oshirishi, shuningdek, qonun hujjatlarida belgilangan tartibda uni saqlash va undan foydalanish bo‘yicha talablarni bajarishi shart.
“Lipki” mulki Veshki qishlog‘ida joylashgan. XIX asrning oxirida u savdogar Aleksandr Alekseyev tomonidan qurilgan, so‘ng majmua milliylashtirilgan va 1932-yildan 1934-yilgacha u yerda Iosif Stalin doimiy yashagan. XX asrning oxirida binoda saraton kasalligiga chalingan bolalar uchun reabilitatsiya markazi ochildi. 2004-yil kuzida mulk rekonstruksiya uchun yopildi, ammo ta’mirlash ishlari tugatilmadi. Bino hozir tashlandiq holatda.
.jpg)
Izoh (0)