Буюк Британия ҳукумати табиий офатдан жабр кўрган Ливия ва Марокаш аҳолисига ёрдам бериш учун қўшимча 10 миллион фунт стерлинг (12,5 миллион доллар) ажратади.
Бу ҳақда Буюк Британия Ташқи ишлар вазирлиги маълум қилди.
“Бирлашган Қироллик Ливиядаги сув тошқини ва Марокашдаги зилзила учун молиявий ёрдамини 10 миллионгача кўтарди”, — дейилади баёнотда.
Маблағларнинг асосий қисми инсонпарварлик ёрдами, сув филтрлари ва Ливияда вақтинчалик бошпана қуриш учун тўпламлар юборишга мўлжалланган. 13 сентябрь куни Британия Ташқи ишлар вазирлиги Ливияга ёрдам кўрсатиш учун 1 миллион фунт стерлинг (1,25 миллион доллар) ажратишини маълум қилди. 10 сентябрь куни қироллик ўтган ҳафтада 7 магнитудали зилзиладан жабр кўрган Марокашга 60 нафар қутқарувчини юборди.
“Ливияда сув тошқини ортидан одамларнинг йўқолиши ва вайронагарчиликларни кўриш даҳшатли. Буюк Британия ушбу ўта оғир дамда Ливия халқини қўллаб-қувватлашга содиқдир. Биз Буюк Британия томонидан ажратилган маблағ миқдорини кўпайтирамиз”, — деди ташқи ишлар вазири ўринбосари Тариқ Аҳмад.
Изоҳ (0)