Joriy yilda respublikadagi maktablarda dars berish uchun xorijdan 500 nafar “til egalari” olib kelinadi. Bu haqda Toshkent shahrida bo‘lib o‘tgan xorijiy tillarni o‘qitish uchun chet el fuqarolarini jalb etish loyihasiga doir o‘quv-seminarida ma’lum qilindi.
Maktabgacha va maktab ta’limi vazirligining xabar berishicha, seminarda xorijiy tillarni o‘qitish bo‘yicha yangi vazifalar belgilab olingani aytilgan. Yangi tizim joriy qilinadigan maktablar ko‘payishini hisobga olib, kelgusi yilda yana 1,5 ming mutaxassis olib kelinishi ko‘zda tutilgan.
Vazirlik tomonidan tashkil etilgan treninglarda xorijiy til fanlarining ta’lim standartlari, o‘quv dasturlari va darsliklar hamda o‘qitish metodikasi haqida muloqot qilindi.
Treninglar doirasida, shuningdek:
- O‘zbekistonning tarixiy rivojlanishi, madaniyati va ta’lim tizimi,
- iqtisodiy taraqqiyotda maktab ta’limining o‘rni,
- xorijiy mutaxassislarning o‘quvchilarda xorijiy fanlarni bilim va ko‘nikmalarini shakllantirishda vazifalari,
- xorijiy til fanlarining ta’lim standartlari, o‘quv dasturlari va darsliklari hamda o‘qitish metodikasi haqida so‘z yuritildi.
.jpg)
Izoh (0)