Tashqi ishlar vaziri Baxtiyor Saidov 29-avgust kuni O‘zbekistondagi diplomatik missiyasini yakunlayotgan Gruziya elchisi Zurab Abdushelishvilini qabul qildi. Bu haqda TIV rahbari o‘zining Telegram kanaliga yozib qoldirdi.
“O‘zbekistondagi diplomatik missiyasini yakunlayotgan Gruziya Elchisi Zurab Abdushelishvili janoblari bilan uchrashdik. Janob elchiga ikki tomonlama aloqalarimizga aniq natijalar bilan qo‘shgan hissasi uchun minnatdorlik bildiramiz hamda tariximiz, madaniyatimiz va adabiyotimizga bo‘lgan samimiy qiziqishini yuksak qadrlaymiz”, — deb yozadi Baxtiyor Saidov.
Zurab Abdushelishvili 2019-yil may oyida ishonch yorliqlari prezident Shavkat Mirziyoyevga topshirgan edi. U elchi Konstantin Jgentining o‘rniga tayinlangan.
Avgust boshlarida Shadurdi Meredov Turkmanistonning O‘zbekistondagi favqulodda va muxtor elchisi etib tayinlangani to‘g‘risida xabar berilgandi.
Izoh (0)