Birlashgan Arab Amirliklarida 26-avgust kuni yilning eng issiq kuni deb qayd etildi. Bu haqda Arabian Business xabar berdi.
Ma’lum qilinishicha, Abu-Dabida havo harorat 50,8 darajaga ko‘tarilgan. Amirliklarning barcha hududlarida havo harorati 40 darajadan yuqorini tashkil qilmoqda. Biroq jaziramaning eng yuqori nuqtasi Abu-Dabida mahalliy vaqt bilan soat 14:45 da qayd etilgan.
“Bu oddiy hodisa bo‘lmasa-da, yoz oylarida mamlakatda havo harorati ba’zan 50 darajadan oshadi. Iyul oyida termometrlar bir yil ichida birinchi marta belgilangan me’yordan ko‘tarilgan”, — deyiladi xabarda.
Ma’lumot o‘rnida, Birlashgan Arab Amirliklari aholisi va mehmonlari yozning anomal jaziramasiga guvoh bo‘lmoqda. Iyul oyida Abu-Dabida harorat deyarli 50 darajaga chiqqandi.
Avgust boshida Saudiyada inson omon qolishi chegarasiga yaqin harorat kuzatildi. Jumladan, 5-dan 6-avgustga o‘tar kechasi havo harorati 57,8 darajaga yetgan.
Ilgari eng yuqori issiqlik darajasi qayerda kuzatilgan?
51,6 darajadan yuqori issiqlik inson va hayvonlar hayoti uchun juda xavflidir. AQSh Milliy ob-havo xizmati ma’lumotlariga ko‘ra, 2003-yil 8-iyulda Saudiya Arabistonining Dahran shahrida qayd etilgan eng yuqori issiqlik indeksi 81,1 darajani tashkil qilgan.
Izoh (0)