Turkiyada yangi harorat rekordi qayd etildi. Bu haqda mamlakat ekologiya va shaharsozlik vaziri Mehmet Ozhaseki ma’lum qildi.
Amaldorga ko‘ra, Turkiyada harorat 49,5 darajani tashkil qilgan va bu tarixiy rekord sanaladi. Mazkur ko‘rsatkich 15-avgust kuni Turkiyaning markaziy qismida joylashgan Eskishahar viloyatida qayd etilgan.
Avvalgi rekord 49,1 daraja bo‘lib, 2021-yil 20-iyulida mamlakat janubi-sharqidagi Shirnak viloyatida kuzatilgan.
O‘tgan hafta oxirida Turkiyaga anormal issiqlik yopirildi. Havo harorati Egey, Qora va O‘rta Yer dengizi sohillaridagi hududlar hamda Markaziy, Sharqiy va Janubi-Sharqiy Anadolu’da mavsumiy meʼyordan 6-10 daraja yuqori bo‘ldi.
Izoh (0)