Бирлашган Араб Амирликларида 26 август куни йилнинг энг иссиқ куни деб қайд этилди. Бу ҳақда Arabian Business хабар берди.
Маълум қилинишича, Абу-Дабида ҳаво ҳарорат 50,8 даражага кўтарилган. Амирликларнинг барча ҳудудларида ҳаво ҳарорати 40 даражадан юқорини ташкил қилмоқда. Бироқ жазираманинг энг юқори нуқтаси Абу-Дабида маҳаллий вақт билан соат 14:45 да қайд этилган.
“Бу оддий ҳодиса бўлмаса-да, ёз ойларида мамлакатда ҳаво ҳарорати баъзан 50 даражадан ошади. Июль ойида термометрлар бир йил ичида биринчи марта белгиланган меъёрдан кўтарилган”, — дейилади хабарда.
Маълумот ўрнида, Бирлашган Араб Амирликлари аҳолиси ва меҳмонлари ёзнинг аномал жазирамасига гувоҳ бўлмоқда. Июль ойида Абу-Дабида ҳарорат деярли 50 даражага чиққанди.
Август бошида Саудияда инсон омон қолиши чегарасига яқин ҳарорат кузатилди. Жумладан, 5-дан 6 августга ўтар кечаси ҳаво ҳарорати 57,8 даражага етган.
Илгари энг юқори иссиқлик даражаси қаерда кузатилган?
51,6 даражадан юқори иссиқлик инсон ва ҳайвонлар ҳаёти учун жуда хавфлидир. АҚШ Миллий об-ҳаво хизмати маълумотларига кўра, 2003 йил 8 июлда Саудия Арабистонининг Даҳран шаҳрида қайд этилган энг юқори иссиқлик индекси 81,1 даражани ташкил қилган.
Изоҳ (0)