“Mehridaryo” loyihasiga Toshkent viloyati, Toshkent tumanida yashovchi Dilnoza Polvonova murojaat qilib, baxtsiz hodisa sabab bir qo‘lidan ayrilgan farzandiga protez qo‘l o‘rnatish uchun xalqdan yordam so‘ramoqda.
— 2013-yili o‘g‘lim Ravshanbek Alisherov buvisi bilan paxta titish sexiga borishadi. Onam eski paxtalarni tittirmoqchi bo‘lib turganda, o‘g‘lim o‘yinqaroqlik qilib uskuna yoniga boradi. Uskuna bir zumda qo‘lini yelka qismidan uzib tashlaydi. Bu haqida xabar berishganida shok holatiga tushib qoldim, oyoq-qo‘llarim ishlamay qoldi. U paytda Samarqandda yashardik, uni shoshilinch kasalxonaga olib bordik. Uch soatgacha uzilgan qo‘lni ulash mumkin ekan. Afsuski, vaqt o‘tgani uchun qo‘lni ulay olishmadi. Shu kundan boshlab, oilamizga juda katta sinovlar keldi. Undan avval turmush o‘rtog‘imda jigar sirrozi aniqlangandi. Keyin ruhiy holatida ham o‘zgarishlar bo‘ldi va to‘rt yil avval unga shizofreniya tashxisini qo‘yishdi.
O‘g‘lim maktab internatida o‘qiydi, o‘qishlari yaxshi. Agar salomatligida o‘zgarish bo‘lmaganida protez qo‘lning ham keragi yo‘q edi. Ammo uning qo‘li yelka qismidan bo‘lmagani uchun umurtqasida jiddiy o‘zgarish bor. Shifokorlarning aytishicha, bu kun kelib yuvish va o‘tirish bilan bog‘liq jiddiy muammolarni ham keltirib chiqarishi mumkin ekan.
Protez qo‘l qo‘ydirish bo‘yicha turli Sog‘liqni saqlash vazirligiga murojaat qildim. Aynan o‘g‘limga kerakli bo‘lgan protez qo‘l O‘zbekistonda qo‘yilmas ekan. Rossiyada qo‘yiladigan protez esa 42 000 AQSH dollari turarkan.
Yashirmayman, uy-joyimiz ham yo‘q edi. Yaxshi insonlarning yordami bilan uyli ham bo‘ldik. O‘zim hech qayerda ishlamayman, sababi uyimda ikkita nogiron inson bor. Turmush o‘rtog‘im ham ishga yaroqsiz. Ikki insonning oladigan nogironlik nafaqasiga ro‘zg‘or tebratamiz.
Avval ham xayriya uyushtirib odamlardan mablag‘ so‘rashga majbur bo‘lganman. Allohning sinovi ekan, meni va oilamni bir necha bor jiddiy sinadi. Ammo noshukrlik qilmayman, hammasi yaxshi bo‘lib ketishiga ishonaman, — deydi bemorning onasi.
Ravshanbek Alisherovga xayriya qilishni istasangiz,
8600 5704 5918 2928 (Uzkard)
9860 0301 0154 1909 (Viza)
Polvonova Dilnoza
Murojaat uchun: +998 94) 687 87 09
Izoh (0)