“Меҳридарё” лойиҳасига Фарғона вилояти Ўзбекистон туманида яшовчи Зиёдахон Исмоилова мурожаат қилиб, дардга чалинган ёлғиз ўғлини даволатиш учун халқдан ёрдам сўради.
— Ўғлим Иззатулла Исмоилов 2014 йили дунёга келган. Тўрт ёшида тез-тез касалликка чалиниб, ҳолсизланиб қолди. Унга шифокорлар тромбосит билан боғлиқ ташхисни қўйди. 2021 йилда эса касаллиги апластик анемияга айланиб кетди. Қон ва тромбоситларга эҳтиёжимиз бор. Чунки боламнинг организми ўзини қон ва тромбоситлар билан таъминлай олмаяпти. Ҳар икки ойда ўзим қон берардим, аммо тромбоситни фақат эркак кишидан олиб қуйиш керак экан.
Турмуш ўртоғим билан ажрашганман. Яқинларининг талаби билан у биздан хабар олмайди. Ҳатто, алимент тўламаслик учун болага ўз исм-фамилиясини ҳам бермаган.
Фарзандимни даволатиш учун қайтиб оила қурмадим. “Фарзандсиз никоҳимга оламан”, деганларга рад жавобини бераман. Чунки боламдан ҳеч қачон воз кечолмайман.
Охирги текширувларга кўра, ўғлимнинг қонида гепатит C касаллиги ҳам аниқланди. Уни зудлик билан даволатишимиз керак. Аммо қўлимиз калталик қиляпти. Ота-онам нафақахўр, ўғлим ҳам 700 минг ногиронлик нафақасини олади. Аммо нафақа пуллари билан унинг касаллигини даволатиш имконсиз.
Яхши инсонлар бизга ёрдам беринглар. Ўғлим соғайиб, бошқа болалардек мактабга бориб ўқишини истайман, — дейди беморнинг онаси.
Исмоилов Иззатуллага хайрия қилишни истасангиз,
8600 0424 4437 9969 Исмоилова Зиёдахон
Мурожаат учун: +99890-852-11-21
Изоҳ (0)