Jamshid Xo‘jayev Navoiy viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlandi.
U mazkur lavozimda 2020-yilning may oyidan buyon ishlab kelgan Yashin Dushanov o‘rnini egalladi.
Jamshid Xo‘jayev 1987-yilda Navoiy viloyati Qiziltepa tumanida tug‘ilgan. 2008-yilda Navoiy davlat pedagogika institutini tamomlagan. 2017-yildan O‘zbekiston yoshlar ittifoqi Navoiy viloyati kengashi raisi bo‘lgan, 2020-yildan Yoshlar ishlari agentligi Navoiy viloyat boshqarmasi boshlig‘i lavozimida ishlagan. Tayinlovga qadar Jamshid Xo‘jayev 2021-yilning dekabridan buyon Yoshlar ishlari agentligi direktori birinchi o‘rinbosari lavozimida ishlab kelayotgandi.
Shu yilning aprelida Elyor Mardonov Navoiy viloyati hokimining jamoat tashkilotlari va diniy tashkilotlar bilan aloqalar bo‘yicha o‘rinbosari lavozimiga tayinlangandi.
Izoh (0)