Elyor Mardonov Navoiy viloyati hokimining jamoat tashkilotlari va diniy tashkilotlar bilan aloqalar bo‘yicha o‘rinbosari lavozimiga tayinlandi. Bu haqda viloyat hokimligi matbuot xizmati xabar qildi.
Hokimlik xabariga ko‘ra, Navoiy viloyati hokimining jamoat tashkilotlari va diniy tashkilotlar bilan aloqalar bo‘yicha o‘rinbosari lavozimida shu paytga qadar faoliyat yuritib kelayotgan G‘ofur Musurmonov boshqa ishga o‘tgani munosabati bilan 13-aprel kunidan vazifasidan ozod qilingan.
Elyor Mardonov 1983-yilda Buxoro viloyatida tug‘ilgan. 2008-yilda Toshkent avtomobil-yo‘llar institutini, 2013-yilda O‘zbekiston Strategik tahlil va istiqbolni belgilash Oliy maktabini tamomlagan. 2018-yilda prezident farmoniga ko‘ra “Jasorat” medali bilan mukofotlangan.
Mazkur lavozimga qadar Navoiy shahridagi ХХХ-sonli harbiy qism harbiy xizmatchisi vazifasida faoliyat olib borgan.
Izoh (0)