Surxondaryo va Samarqand viloyatlarida isteʼmolga yaroqsiz yog‘ mahsulotlarining muomalaga kiritilishini oldi olindi, deb xabar beradi bosh prokuratura huzuridagi departament.
Ma’lum qilinishicha, departamentning Jarqo‘rg‘on tuman bo‘limi tomonidan IIB xodimlari bilan hamkorlikda tezkor tadbir o‘tkazilgan. Tadbirda fuqaro N.T. va boshqalar o‘z uyining yordamchi xo‘jaligidagi yashirin sexni o‘zboshimchalik bilan umumiy foydalanishdagi elektr energiyasiga ulab, 20 million so‘mlik elektr energiyasidan noqonuniy foydalangani aniqlangan.
Shuningdek, ular isteʼmolchilarning hayoti va sog‘lig‘i xavfsizligi talablariga javob bermaydigan yog‘ mahsulotlarini ishlab chiqarayotgani ma’lum bo‘lgan. Ushbu sexdan 6,3 ming kilogramm qo‘lbola usulda tayyorlangan yog‘, 1 725 kilogramm chigit va boshqa tovar moddiy boyliklari ashyoviy dalil sifatida olingan.
Shu kabi departamentning Nurobod tuman bo‘limi tomonidan IIB xodimlari bila hamkorlikda o‘tkazilgan tezkor tadbirda fuqaro S. o‘z uyining yordamchi xo‘jaligida yashirin sex tashkil etib, isteʼmolchilarning hayoti va sog‘lig‘i xavfsizligi talablariga javob bermaydigan yog‘ mahsulotlarini ishlab chiqarayotgani aniqlanib, ushbu sexdan 40 kilogramm qo‘lbola usulda tayyorlangan yog‘, 10 kilogramm chigit va boshqa tovar moddiy boyliklari ashyoviy dalil sifatida olingan.
Mazkur holatlar yuzasidan Jinoyat kodeksining 169-moddasi (o‘g‘rilik) va 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
- Surxondaryoda iyun oyida ham iste’molga yaroqsiz yog‘ mahsulotlari muomalaga kiritilishining oldi olingandi.
- Xorazmda bo‘lsa inson sog‘lig‘i uchun xavfli spirtli ichimliklarni tayyorlab kelgan shaxs faoliyatiga chek qo‘yilgani,
- Namanganda 550 million so‘mlik dori vositalari yo‘q qilingani to‘g‘risida xabar berilgandi.
Izoh (0)