Majburiy ijro byurosi Namangan shahar bo‘limi tomonidan amaldagi qonunchilikda belgilangan tartib va muddatlarga qat’iy rioya etgan holda qator ishlar olib borilmoqda.
Jumladan, “Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibi to‘g‘risida”gi nizomning tegishli bandlariga asosan, sifati kafolatlanmagan va iste’molga yaroqsiz bo‘lgan dori-darmonlar hamda tibbiyot vositalari sudning qarori asosida yo‘q qilinmoqda.
Kuni kecha bo‘lib o‘tgan navbatdagi tadbir davomida ham O‘zbekistonga kirib kelgan umumiy qiymati 550 mln. so‘mlik dori vositalari yo‘q qilindi.
Tadbirda viloyat bojxona, sanitariya-epidemiologik osoyishtalik va jamoat salomatligi xizmati hamda ekologiya va atrof-muhitni muhofaza qilish boshqarmalari vakillari ishtirok etdi.
Namangan shahridagi “Dori-darmon” aksiyadorlik jamiyati omborxonasida saqlanayotgan, jinoyat ish materiallari bo‘yicha ashyoviy dalil sifatida qayd etilgan dori-darmonlar hamda tibbiyot vositalari sifati kafolatlanmagani uchun kuydirish pechida yoqib yuborildi.
Izoh (0)