Shavkat Mirziyoyev gaz, elektr energiyasi va inflyatsiya masalalari bo‘yicha yig‘ilish o‘tkazadi

Shavkat Mirziyoyev ikki kunlik tashrif bilan Buxoro viloyatida bo‘ladi. Bu haqda prezident matbuot kotibi xabar berdi.

Ma’lum qilinishicha, ilg‘or sanoat korxonalari va mahallalar hayoti bilan tanishish, yangi ishlab chiqarish quvvatlarini ishga tushirish rejalashtirilgan.

Shuningdek, O‘zbekistonda tabiiy gaz va elektr energiyasidan oqilona foydalanish, oziq-ovqat xavfsizligini ta’minlash hamda inflyatsiyani jilovlash masalalari bo‘yicha videoselektor yig‘ilishi o‘tkazilishi ko‘zda tutilgan.

• Shavkat Mirziyoyev mahallalar hayoti va sanoat korxonalari faoliyati bilan tanishish uchun Buxoroga so‘nggi marta 2023-yilning fevralida borgandi.
• Davlat rahbari yangi loyihalarni ishga tushirib, viloyatni rivojlantirishning muhim masalalarini muhokama qilgandi.