Шавкат Мирзиёев икки кунлик ташриф билан Бухоро вилоятида бўлади. Бу ҳақда президент матбуот котиби хабар берди.
Маълум қилинишича, илғор саноат корхоналари ва маҳаллалар ҳаёти билан танишиш, янги ишлаб чиқариш қувватларини ишга тушириш режалаштирилган.
Шунингдек, Ўзбекистонда табиий газ ва электр энергиясидан оқилона фойдаланиш, озиқ-овқат хавфсизлигини таъминлаш ҳамда инфляцияни жиловлаш масалалари бўйича видеоселектор йиғилиши ўтказилиши кўзда тутилган.
- Шавкат Мирзиёев маҳаллалар ҳаёти ва саноат корхоналари фаолияти билан танишиш учун Бухорога сўнгги марта 2023 йилнинг февралида борганди.
- Давлат раҳбари янги лойиҳаларни ишга тушириб, вилоятни ривожлантиришнинг муҳим масалаларини муҳокама қилганди.
Изоҳ (0)