Farg‘ona viloyati Toshloq tumanida erkak ichki ishlar xodimlari uni ayovsiz urganini aytib, murojaat bilan chiqdi. Viloyat IIB holat bo‘yicha bayonot berdi.
Aniqlanishicha, 7-avgust kuni profilaktika inspektori tomonidan fuqaro M.T. 29-iyul kuni yer maydonini payhon qilingani haqidagi murojaati yuzasidan uning o‘zi xizmat xonasiga chaqirtirilganda inspektorlar faoliyatidan asossiz norozi bo‘lib, baqir-chaqir qilib, haqoratli so‘zlar bilan ichki ishlar organlari xodimlarining qonuniy talablarini bajarmasdan yana ushbu harakatlarini davom ettirgan.
Shunda inspektorlar uni tinchlantirish va huquqbuzarliklarga chek qo‘yish maqsadida IIVning tegishli me’yoriy buyruq talablari asosida qo‘llaridan ushlab, xizmat xonasiga olib kirgan. U bilan avvalgi murojaatlari ijrosi ta’minlangani, oxirgi murojaati bo‘yicha uning o‘zi tushuntirish xati berishni ortga surib kelayotgani aytilib, suhbat o‘tkazilgan va uyiga javob berilgan. Biroq M.T. tarmoqlar orqali xodimlar uni urib, jarohat yetkazgani haqida yolg‘on axborot tarqatgan.
Hozirda holat yuzasidan fuqaroning xodimlarga tuhmat qilgani bo‘yicha tegishli organlarga murojaat yo‘llangan. Xodimlarning xatti-harakatlari yuzasidan xizmat tekshiruvi tayinlangan.
Izoh (0)